Кішкентай пациенттерге арналған жыңа жылдық сыйлықтар

Жақында «Шымбұлақ» балалар туберкулезге қарсы санаториінде ертеңгілік болып өтті, онда мейірімді Аяз Ата екі жүз баланың барлығына сыйлықтар ұсынды.

Бұл шара бірнеше алматылық бойжеткен – «Сәби» қорының үлкен достарының ат салысуының арқасында өткізілді, олар бізге әлеуметтік қорғалмаған отбасыларындағы қатты мұқтаждық көріп отырған балаларды келе жатқан жаңа жылдық мейрамдармен құттықтағысы келетіні туралы айтты.

Біз бір сәт те ойланбастан «Шымбұлақ» санаториінің кішкентай пациенттерін таңдадық. Мұнда емделуден кейін оңалып жатқан балалардың басым көпшілігі көп балалы және толық емес отбасыларынан шыққан, олар үшін кез келген, тіпті шағын сыйлықтың өзі үлкен қуаныш және сирек болып тұратын оқиға.

Бойжеткендер Қорға елеулі соманы тапсырды, ол әр балаға арнап жаңа жылдық қағаз қапшыққа салынған конфеттерді ғана емес, әдемі қыстық бас киімдер мен мойын орағыштардың жиынтықтарын да сатып алу үшін жеткілікті болды.

Енді кішкентай пациенттер аяздан қорықпайтын болды, сол үшін біз қайырымдылық жасаушыларға шын жүректен алғысымызды білдіреміз !