Үш мәрте қоныс той

Осы жылдың жазы мен күз айлары бойы керекті заңды құжаттардың бәрін жинастырып Жасөспірімдер жобасының үш қатысушысы пәтер иесі атанды.

Қазақстанның тұрғын үй құрылыс жинақ банк АҚ-ның тұрғын үйлерді қалыптастыру және бөлу пулына қатысқанның арқасында екі жасөспірім армандаған шаршы метрлерін жаңадан салынған үйден алды. Тағы біреуі екі бөлмелі пәтерді қайталама нарығынан сатып алды.

«Сәби Қайырымдылық Қорының Жасөспірімдер жобасы 2011 жылдан бастап жұмыс істеп келеді. Бұл жоба Алматы қаласының балалар үйлерінің түлектеріне жеңілдік шарттармен пәтер сатып алуға мүмкіндік береді.