"?лем" Бағдарламасы дарынды жастарды іздестіруін жалғастыруда

Жас дарындарды қолдайтын "?лем" бағдарламасы жаңа таланттарды іздеуді жалғастырады. Жаңа маусымда алғашқы болып өзіне назар аудартқан жас талант Павлодар қаласының тумасы Омар Қуанышев.

Омар қазір К.Байсейітова атындағы дарынды балаларға арналған мамандандырылған музыка мектеп-интернатында оқиды. Алдағы уақытта ол оқуын П.?.Чайковский атындағы Мәскеу мемлекеттік консерваториясында жалғастыруды армандайды.

Жас музыкантттың шеберлігіне баға беру танымал музыкант Еркебұлан Сапарбаевқа, сонымен қатар біздің тұрақты сарапшымыз Ренат Гайсинге ұсынылған болатын. Омар аспапты қолға алғаннан-ақ әділқазы алқаларын өзіне қаратып, танымал туындылардың жылдам және қиын бөліктерін жоғары деңгейде орындауының арқасында оң бағаға ие болды. Жас скрипкашының өнерін тамашалағаннан кейін қазақстандық танымал музыканттар бір шешімге келді - ол өз бойындағы таланты мен қабілетін ұштай беруі керек.

Осы үшін де "Сәби" қорының басшылығы Омарды "?лем" бағдарламасының қатысушылары қатарына қосып, оның П.?.Чайковский атындағы Мәскеу мемлекеттік консерваториясында білім алуына көмектесуге шешім қабылдады. Армандар міндетті түрде орындалуы керек!