Бес жыл бойына балаларға өмір сыйлап келеміз

Осыдан дәл бес жыл бұрын, 2007 жылдың ақпан айында, «ҮЙ» Қоры мен «Сәби» Қайырымдылық Қорымен бірге іске қосылған «Балаларға өмір сыйла» Акциясы бастау алған болатын.

Бүгінгі күні, бес жылдық шепті басып өтіп және оның нәтижесін шығара отырып, біздер бұл Акцияны ұйымдастыру қазақстан қоғамын дамытуда заңды қадам болғанын атап өте аламыз. Шетелде шұғыл түрде жедел емделуге мұқтаж балалардың орасан зор саны және бұл үшін әсіресе кардиохирургия мен онкология саласында бөлінетін мемлекеттік квотаның жеткіліксіз саны, сол сәтте бастаушы механизм болды. Сол кезде ұсынылған SMS-хабарламаның көмегімен қайырымдылық көмек көрсету тәсілі, балалардың өмірін құтқарып қалуға, іс жүзінде әрбір қазақстандықтың атсалысуына мүмкіндік берді. Осы жылдар ішінде, арнайы есептік шотқа аударылған сома 2 миллион доллардан асатын қаржыны құрады. Қазақстанның барлық өңірлерінен 345 бала емделу көмегіне қол жеткізе алды.

Қазіргі уақытта «Балаларға өмір сыйла» Акциясында қаражат жинауға арналған басқа тәсілдер – online-төлем есебі, банктік ақша аударымдары, қайырымдылыққа арналған садақа жәшіктері пайда болды, бірақ ең қарапайым және қол жетімді ақша аудару түрі SMS-хабарлама болып келеді. ACTIV, KCELL және BEELINE абоненттері 9099 қысқа нөміріне «1» санын немесе өз тілегін және 280 теңге мөлшерінде соманы жөнелте алады. Бұл қаражат телефонның есеп шотынан бейтаныс, бірақ өз туғанындай сәбидің пайдасына ұсталып қалады.

Біздер өзіміздің балаларымызға көмек қолын созған барлық азаматтарымызға шексіз алғысымызды білдіреміз!