Димаш Құдайбергенмен кездесу

Біз сіздермен тамаша жаңалықпен бөлісуге қуаныштымыз. Бүгін белгілі қазақстандық әнші Димаш Құдайберген «Домбыра-Дастан» домбырашылар байқауының жеңімпазы Нұрдәулет Сағатбекпен кездесті.

Димаш Құдайберген – әлемдік сахнаның нағыз жұлдызы және заманымыздың көрнекті орындаушысы. Жұлдызды мәртебеге қарамастан, ол өнер жолын енді бастап жатқан жас музыкантпен танысқысы келетінін білдірді.

Нұрдәулет Димаш Құдайбергеннің және Қазақстанның белгілі домбырашысы, дирижер Абылай Тілепбергеновтың алдында бірнеше күй тартып, жоғары баға алып, оның болашақ музыкалық мансабына маңызды кеңестер алды.

Біз Димашқа Қазақстанның дарынды жастарының назары мен қолдауы үшін шын жүректен алғыс айтамыз.

Еске салайық, «Домбыра-Дастан» байқауын «Сәби» Қоры 2021 жылы 6 мен 15 жас аралығындағы балалар мен жасөспірімдерге арнап бастаған болатын. Байқаудың жүлде қоры 40 миллион теңгені құрады, осы сома Қазақстан Республикасының әр өңірінен келген сегіз жас орындаушыға бөлінді.