Туған жерге – тағзым

Атырау облысының Махамбет ауданының орталығында «Туған жерге – тағзым» атты жерлестердің форумы үстіміздегі жылдың сәуір айында өткен болатын. Аталған форум жергілікті ауылдастар мен Махамбет жерінде кіндік қаны тамған тумаларын біріктірді.

«Сәби» Қайырымдылық Қорының Президенті Әсел Тасмағамбетова өзінің туған жеріне бірнеше жыл бойы қолдау көрсетуде. Осы жылы ол жалпы ауданы 1400 шаршы метр болатын спорттық-ойын кешенін салуға бел буды. Кешеннің ішіне - балаларға ойын, баскетбол, волейбол, футбол алаңдары және воркаут, стритаут зоналары кіретін болады.

Нысаның құрылыс аяқтау мерзімі қыркүйек айында Махамбет ауданының 90-жылдық тойлауына орайластырып жоспарланып отыр.