Оныншы ақындар сайысы

«Сәби» Қайырылымдылық Қоры Қазақстан Республикасының мемлекеттік тіліндегі жастар арасында Оныншы ақындар сайысы (бұдан әрі - Сайыс) өткізілетіні жайлы жария етеді.

Сайыс 2020 жылдың 21 қаңтары мен 2020 жылдың  30 сәуір аралығында өткізіледі.

Сайысқа қазақ тілінде өлең жазатын 7 жастан бастап 24 жасқа дейінгі авторлар қатыса алады. Тұратын жеріне, азаматтығына және ұлтына мән берілмейді.

Қорытынды шығару және Сайыстың басты қорытындыларын saby.kz сайтында және әлеуметтік желілерінде жариялау мерзімі – 01 маусым 2020 жыл.

Сайыс туралы ережелер мен шарттар төменде көрсетілген.

 

Сайыс туралы мәліметтер

 

Басты мақсаты

1. Қалың жұртшылықтың назарын қазіргі заманғы балалар поэзиясына аудару.

2. Оқырман қауымға қазақ тілінің сөз байлығын, көркемдігін, тазалығын және мағына тереңдігін паш ету.

3. Қазақ тілін қазақ мәдениетінің әдеби және өнегелік негізі ретінде насихаттау.

4. Қазіргі заманғы дарынды қазақ тілді ақындарды анықтау, олардың шығармаларын көпшілікке, әдебиеттанушыларға және баспагерлерге ұсыну.

5. Олардың жұмыстарын балалар өлеңдерінің жинағына жариялауға қаржылай қолдау көрсетуге мүмкіндік, шығармашылық дамуына және елге танылуына ықпал жасау.

Марапаттар

Жеңімпаз басты жүлде – ноутбукқа ие болады.

Сайыс шарттары

Сайысқа әр түрлі жанрда қазақ тілінде жазылған, бұрын жарияланған, сол секілді ешқашан жарияланбаған саналы өлшемдегі поэтикалық шығармалар қатысады. Өлеңдердің тақырыптары: әр түрлі.

Әрбір қатысушы өз таңдауымен ең жақсы 3 өлеңге дейін жіберуге құқы бар.

Сайысқа қатысушының материалдарына қойылатын этикалық талаптар

Мынадай материалдарды жариялауға жол берілмейді:

- лексикасы нормативтен тыс мазмұндағы;

- экстремистік сипаттағы;

- нақтылы бір адамдардың ар-намысы мен абыройына нұқсан келтіретін;

- порнографиялық және сексуальдық сипаттағы;

- балаларға жағымсыз кері әсер ететін;

- ұлттық, нәсілдік немесе соған ұқсас өзге сипаттағы;

- дінге қарсы және экстремистік сипаттағы;

- өмірден түңілген сипаттағы.

 Сайысқа қатысушылар үшінші тұлғалардың авторлық құқықтарын бұзғаны үшін дербес жауапкершілік көтереді.

 

Қатысушының өтінімі

Сайысқа қатысушы Ұйымдастырушылардың атына электронды пошта арқылы (saby@saby.kz) хат жолдайды, хатпен бірге:

- сайыстық өтінішi  тапсырады (өтініштің үлгісі осында тіркелген), осылайша ұйымдастырушыларға өз шығармаларын saby.kz сайтында және әлеуметтік желілерінде қайтарымсыз жариялауға өзінің сөзсіз келісімін білдіреді;

- 3 өлең тіркелген файлдар;

- қатысушының фотосы (ықылас бойынша).

Сайыстың жұмыс органдары

Сайысты ұйымдастыру және өткізу жөніндегі іс-шаралардың тікелей жүзеге асырылуын Ұйымдастырушылар өз мойнына алады.

Сайыстың редакциясы мен әділқазылар алқасы Ұйымдастырушылардың қалауымен жасақталады.

Сайыс редакциясының сайысқа арналған өлеңдерге алдын ала іріктеу жүргізуге құқығы бар.

Сайыс редакциясы Сайысқа жолданған өлеңдерді редакциялау құқығын өз мойнына алмайды.

Редакция Сайысқа жолданған өлеңдердің мазмұнына жауап бермейді.

Сайыс ұйымдастырушыларының құқығы

Әрбір автордың іріктелген шығармаларын ұйымдастырушылардың сайтында, әлеуметтік желілерінде жариялауға авторлар өздерінің өтінішінде жазбаша келісімдерін береді.

Өздерінің жұмыс қызметінде Сайыстың материалдарын пайдалануға құқығы бар.

Ұйымдастырушылар Сайыстың барлық кезеңдерінде үздік жұмыстарды қосымша ынталандыру құқығын өздеріне қалдырады.

Сайыс қорытындысы

- сайыс жеңімпаздарын анықтауы;

- жүлдені – ноутбукты беру;

- сайыстың қорытындысын ақпаратты saby.kz сайтында  және әлеуметтік желілерінде мәлімдеу.

Байланыс

Ұйымдастырушылардың ресми сайты: www.saby.kz

Өтінімдер тапсыруға және жұмыстарды жолдауға арналған электронды адрес: saby@saby.kz, alem@saby.kz

Барлық қажетті ақпаратты мына байланыс телефон арқылы алуға болады: 8 (727) 311 29 38

21.01.2020
16.08.2019
Білім беру…

     Сіздермен «Сәби» қорының білім беру бағдарламасының жағымды жаңалығымен бөліскіміз келеді. Математика…

«Білім беру» бағдарламасы
16.08.2018
Қызылорда қаласындағы…

                 Жақын арада Қызылорда қаласының Облыстық мамандандырылған Балалар үйінің тәрбиешілері…

«Білім беру» бағдарламасы
13.07.2018
ҰБТ-2018 нәтижелері

Достар, сіздермен тамаша жаңалықпен бөлісуге қуаныштымыз. Біздің қамқорлығымызға алынған әлеуметтік мекемелерден шыққан,…

«Білім беру» бағдарламасы